პლატფორმა VELINOVA.GE-ს წესები და პირობები მომხმარებლებისათვის (B2C ხელშეკრულება)

მოგესალმებით Velinova.ge-ზე

ვებგვერდზე შეკვეთის განთავსება, ნებისმიერი ფორმის შევსება ან/და ღილაკზე „ბარათით გადახდა“ დაჭერა ნიშნავს, რომ მომხმარებელი სრულად, გაცნობიერებულად და უპირობოდ ეთანხმება წინამდებარე წესებსა და პირობებს.

პლატფორმაზე განთავსებული პროდუქციის სტანდარტული მიწოდება საქართველოს მთელ ტერიტორიაზე არის უფასო. მომხმარებელი იხდის მხოლოდ პროდუქტის გვერდზე მითითებულ ნასყიდობის საფასურს და მას არ ეკისრება ტრანსპორტირების ან საკურიერო მომსახურების რაიმე დამატებითი, ფარული ხარჯი.

1. ტერმინთა განმარტება და პლატფორმის სტატუსი

1.1. პლატფორმა (Velinova.ge): ელექტრონული კომერციის ჰიბრიდული პლატფორმა (მარკეტფლეისი), რომლის მეშვეობითაც ხორციელდება როგორც უშუალოდ კომპანიის საკუთრებაში არსებული პროდუქციის რეალიზაცია, ისე პარტნიორი მოვაჭრეების პროდუქციის განთავსება და მათთვის საინფორმაციო, ტექნოლოგიური და საშუამავლო მომსახურების გაწევა.

1.2. მოვაჭრე: პლატფორმაზე წარმოდგენილი კონკრეტული პროდუქციის უშუალო გამყიდველი — თავად Velinova (კომპანიის საკუთრებაში არსებულ პროდუქციაზე) ან დამოუკიდებელი პარტნიორი სუბიექტი/ვენდორი (მესამე პირის პროდუქციაზე).

1.3. ხელშეკრულების მხარეები: მომხმარებელი აცნობიერებს და ეთანხმება, რომ პროდუქციის ნასყიდობის ხელშეკრულება იდება უშუალოდ მომხმარებელსა და კონკრეტული პროდუქტის გვერდზე იდენტიფიცირებულ მოვაჭრეს შორის. შესაბამისად, Velinova წარმოადგენს ნასყიდობის ხელშეკრულების მხარეს (გამყიდველს) მხოლოდ იმ პროდუქციაზე, რომლის უშუალო რეალიზატორად და მესაკუთრედ მითითებულია თავად Velinova. ყველა სხვა შემთხვევაში, როდესაც პროდუქტი ეკუთვნის პარტნიორ მოვაჭრეს, Velinova არ წარმოადგენს ნასყიდობის ხელშეკრულების მხარეს და მოქმედებს მხოლოდ როგორც საინფორმაციო და ტექნოლოგიური საშუამავლო პლატფორმა.

1.4. პარტნიორ მოვაჭრესთან კერძო შეთანხმებები: მომხმარებლისა და პარტნიორი მოვაჭრის (ვენდორის) უშუალო, ინდივიდუალური შეთანხმება ნებისმიერ ისეთ პირობაზე (მათ შორის, მიწოდების ვადის შეცვლა, სპეციფიკური კომპლექტაცია, ფასის კორექტირება და სხვა), რომელიც წინააღმდეგობაში მოდის პლატფორმის წინამდებარე წესებთან, არ წარმოშობს Velinova-ს პასუხისმგებლობას.

2. შეკვეთის გაფორმება და ანგარიშსწორების ჰიბრიდული მოდელი

2.1. მომხმარებელს პლატფორმაზე პროდუქციის შეძენა შეუძლია შემდეგნაირად:

• ა (სტანდარტული შეკვეთა): მომხმარებელი ვებგვერდზე შეკვეთის გაფორმებისას, საბანკო ბარათის მეშვეობით ონლაინ იხდის ნივთის სრულ ღირებულებას.
• ბ (ორეტაპიანი შეკვეთა): მომხმარებელი ვებგვერდზე შეკვეთის გაფორმებისას, საბანკო ბარათის მეშვეობით ონლაინ იხდის ავანსს/ბეს. პროდუქტის დარჩენილ ღირებულებას და დამატებითი სერვისების (მონტაჟი/აწყობა/ექსპრეს მიწოდება და სხვა) საფასურს მყიდველი სრულად იხდის ადგილზე ნივთის მიღებისას.
• გ (განვადება ან ნაწილ-ნაწილ გადახდა): მომხმარებელი ავსებს სპეციალურ სარეგისტრაციო ფორმას. შეკვეთის ძირითადი ღირებულება, მიწოდება/აწყობის სერვისი და პლატფორმის კუთვნილი მომსახურების საფასური ერთიანდება ბანკის განვადების საერთო მოცულობაში. წინასწარ საიტზე არაფერი იხდება, ხოლო განვადება სრულად ფორმდება მოვაჭრის მიერ მიწოდებული საბანკო მერჩანტის ელექტრონული ბმულის მეშვეობით.

2.3. შეკვეთის გაფორმებამდე მომხმარებელს მიეწოდება სრული ინფორმაცია პროდუქტზე. ღილაკზე „ბარათით გადახდა“ (ან "შეკვეთის განთავსება") დაჭერით მომხმარებელი ადასტურებს, რომ განთავსებული შეკვეთა წარმოშობს სამართლებრივად სავალდებულო ძალის მქონე შეთანხმებას წინამდებარე წესებისა და პირობების შესაბამისად.

3. მიწოდების დეტალები და სერვისები

3.1. საოპერაციო პასუხისმგებლობა: პროდუქციის მომხმარებლამდე ტრანსპორტირებას ახორციელებს უშუალოდ მოვაჭრე ან მისი ქვეკონტრაქტორი საკურიერო კომპანია.

3.2. კომუნიკაცია და ვადები:

• მოვაჭრე უზრუნველყოფს შეკვეთის დამუშავებას 24 საათში, ხოლო ნივთის გაგზავნას არაუმეტეს 3 კალენდარული დღის ვადაში.
• მიწოდების მაქსიმალური ვადა შეადგენს საქართველოს მასშტაბით 12 კალენდარულ დღეს (სტანდარტულ პროდუქტებზე — არაუმეტეს 8 დღისა).
• თუ ნივთი საწყობში არ აღმოჩნდა, velinova.ge მყიდველს 100%-ით უკან უბრუნებს პლატფორმაზე გადახდილ თანხას არაუმეტეს 3 კალენდარული დღის ვადაში.

4. ნივთის ჩაბარება და შემოწმება

4.1. ვიზუალური დათვალიერება: ნივთის მიწოდებისას მომხმარებელი ვალდებულია კურიერის/წარმომადგენლის თანდასწრებით ვიზუალურად დაათვალიეროს პროდუქტის გარეგანი მდგომარეობა და შეფუთვის მთლიანობა.

4.2. მიღების დადასტურება: მიღება-ჩაბარების აქტზე, ელექტრონულ მოწყობილობაზე ან საკურიერო დოკუმენტზე ხელმოწერით მომხმარებელი ადასტურებს, რომ ნივთი ჩაბარდა ვიზუალურად უნაკლო და დაუზიანებელ მდგომარეობაში.

5. ხელშეკრულებაზე უარის თქმა და ნივთის უმიზეზოდ დაბრუნება (14 დღე)

5.1. მომხმარებელს უფლება აქვს, ყოველგვარი საფუძვლის მითითების გარეშე თქვას უარი დისტანციურ ხელშეკრულებაზე ნივთის ფიზიკურ მფლობელობაში მიღებიდან 14 კალენდარული დღის ვადაში.

5.2. დაბრუნების პირობები:

• ქარხნული მდგომარეობა: ნივთი უკან მიიღება ორიგინალ ქარხნულ მდგომარეობაში (შეფუთვითა და აქსესუარებით). შეფუთვის ან ნივთის დაზიანების შემთხვევაში, მოვაჭრე უფლებამოსილია დააკავოს ნივთის ღირებულების შემცირების პროპორციული თანხა კანონმდებლობით დადგენილი წესით.
• ტრანსპორტირება: უნაკლო ნივთის უმიზეზოდ დაბრუნებისას, ნივთის უკან დაბრუნების პირდაპირ ლოჯისტიკურ ხარჯს ფარავს მომხმარებელი.
• გაწეული სერვისები: თუ მოვაჭრის მიერ დამატებითი ფასიანი სერვისები (სართულზე ატანა, აწყობა/მონტაჟი) უკვე შესრულდა მომხმარებლის თანხმობით, აღნიშნული სერვისების საფასური უკან დაბრუნებას არ ექვემდებარება.

6. შეკვეთის გაუქმება მომხმარებლის მიზეზით

6.1. იმ შემთხვევაში, თუ მოვაჭრის მიერ პროდუქციის მისამართზე გაგზავნის შემდგომ, მომხმარებელი უარს განაცხადებს ნივთის ჩაბარებაზე (ისარგებლებს ხელშეკრულებაზე უარის თქმის უფლებით) ან ზედიზედ 3 (სამი) კალენდარული დღის განმავლობაში არ უპასუხებს კურიერის/წარმომადგენლის ზარებს, შეკვეთა ანულირდება.

6.2. ასეთ შემთხვევაში, „მომხმარებლის უფლებების დაცვის შესახებ“ საქართველოს კანონის შესაბამისად, ონლაინ გადახდილი ავანსიდან/ბედან დაიკავება მხოლოდ ტრანსპორტირებისა და ლოჯისტიკის ფაქტობრივად გაწეული პირდაპირი ხარჯი (გარდა იმ შემთხვევისა, როდესაც აღნიშნული ტრანსპორტირების/დაბრუნების ხარჯი სრულად დაფარა უშუალოდ მომხმარებელმა), ხოლო დარჩენილი თანხა (ასეთის არსებობის შემთხვევაში) დაუბრუნდება მყიდველს.

7. პერსონალური მონაცემების დაცვა

7.1. პლატფორმა უფლებამოსილია მომხმარებლის პერსონალური მონაცემები გადასცეს პარტნიორ მოვაჭრეს, საკურიერო კომპანიებსა და საბანკო დაწესებულებებს ექსკლუზიურად შეკვეთის დამუშავების, მიწოდებისა და ანგარიშსწორების განხორციელების მიზნით, „პერსონალურ მონაცემთა დაცვის შესახებ“ საქართველოს კანონის სრული დაცვით.