წესები და პირობები

N1 მიწოდების პოლიტიკა 

• მიწოდების სერვისი ვრცელდება საქართველოს მასშტაბით
• თბილისში მიწოდების სტანდარტული საფასური შეადგენს 5 ლარს
• რეგიონებში მიწოდების სტანდარტული საფასურია 10 ლარი
• მიწოდების სტანდარტული ვადა თბილისში 1-3 დღე
• მიწოდების სტანდარტული ვადა რეგიონებში 3-7 დღე
• შენიშვნა: გამონაკლისის არსებიბის შემთხვევაში კომპანია დაუკავშირდება მომხმარებელს ინფორმირებისთვის.

მიწოდების შესახებ დამატებითი ინფორმაცია

1. მიტანის დეტალები

ჩვენი პარტნიორი საკურიერო კომპანიის მიტანის სერვისი მოქმედებს ყოველდღე შაბათ კვირის გარდა. ჩვენთან მიღებული შეკვეთები მუშავდება 9:00 დან 16:00 საათამდე. შეკვეთის დადასტურების შემდეგ, მიტანის დრო დამოკიდებულია მიწოდების ლოკაციაზე

2. მიტანის ღირებულება: მიტანის ღირებულება სიმბოლურად განისაზღვრება შემდეგნაირად

ადგილობრივი მიტანა: 5 ლარი
ქვეყნის მასშტაბით მიტანა: 10 ლარი

შენიშვნა: განსაზღვრული მიწოდების საფასური არ წარმოადგენს რეალურ მიწოდების ღირებულებას, რაც გულისხმობს კომპანიის მხრიდან საკურიერო სერვისის (მიწოდების) სუბსიდიას

3. მიტანის მეთოდი: საკურიერო სერვისი სწრაფი და უსაფრთხო მიტანისთვის.

4. მიტანის დაგვიანება ან სხვა პრობლემა: 

თუ შეკვეთა დაგვიანდა, დაკარგულია ან თავი იჩინა სხვა სახის პრობლემამ, გთხოვთ დროულად დაგვიკავშირდეთ რადგან ჩვენი მხრიდან დროულად მოხდეს რეაგირება.

5. მიწოდების დეტალების ცვლილება:

თუ მიტანის მისამართი ან სხვა დეტალები უნდა შეიცვალოს, გთხოვთ, გვაცნობოთ დროულად. მას შემდეგ, რაც შეკვეთა უკვე გადაცემული იქნება საკურიერო კომპანიაში, მისამართის ცვლილებამ (თუ იქნება შესაძლებელი) შესაძლოა გამოიწვიოს ამანათის დაგვიანებით მიწოდება.

6. მიტანისას ნდობა და პასუხისმგებლობა:

ჩვენ მაქსიმალურად ვცდილობთ, რომ შეკვეთები დაცულად და უსაფრთხოდ მივაწოდოთ მომხმარებელს. ჩვენი მხრიდან ხდება ყველა შეკვეთის ინდივიდუალური შემოწმება გაგზავნამდე, ხოლო მომხმარებელი (განსაკუთრებით შესაძლო დაზიანების მაღალი რისკის შემცველობის ნივთის შეკვეთაზე, მაგალითად: მინის ან ფაიფურის პროდუქტის, სარკის და ა.შ.) პასუხისმგებელია, რომ შეკვეთის მიღებისას მოახდინოს მისი შემოწმება და თუ პროდუქტი დაზიანებულია ან არასწორად იქნა გაგზავნილი, დაუბრუნოს ნივთი კურიერს და დროულად გვაცნობოს აღნიშნულის შესახებ.

7. დამატებითი ინფორმაციისთვის:

ზოგიერთ შემთხვევაში შესაძლოა საიტზე განთავსებული ფოტოები და რეალური პროდუქცია გარკვეულწილად განსხვავდებოდეს ერთმანეთისგან (მაგალითად ფერის, დიზაინის ან ზომის მიხედვით) რაც გამოწვეულია მწარმოებლის ან მომწოდებლების მიერ მოწოდებული მაღალი ხარისხის ფოტოებით, რომლის გადაღებაც ხდება შესაბამის ფოტო სტუდიებში, შემდგომ მუშავდება და 100% სიზუსტის შენარჩუნება პრაქტიკულად შეუძლებელია, თუმცა ეს სხვაობა მინიმალურია და არ ახდენს გავლენას პროდუქციის ფუნქციონალობაზე. ხოლო ზომასთან დაკავშირებით, გასათვალისწინებელია ის ფაქტი, რომ განთავსებული პროდუქციის ტექსტური აღწერა უპირატესია, რადგან მოიცავს ზუსტ ზომებს და ფოტო მხოლოდ ვიზუალური ნიმუშია, რომელიც შესაძლოა აღწერაში მითითებულ ზომას არ შეესაბამებოდეს. თუ მაინც, მინიმალური დეტალებიც კი მნიშვნელოვანია ან გაქვთ შეკითხვები და გჭირდებათ დამატებითი ინფორმაცია, გთხოვთ დაგვიკავშირდეთ.

8. ავეჯის მიწოდება

ავეჯის მიწოდება ძირითადად სრულდება სტანდარტულ ვადებში, თუმცა დიდი მოცულობის გათვალისწინებით შესაძლებელია ვერ მოხდეს განსაზღვრულ ვადაში ჩაბარება, რაც გულისხმობს თბილისის მასშტაბით მაქსიმუმ 3, ხოლო რეგიონების მასშტაბით 7 სამუშაო დღის შესაძლო გადაცილებას.

გთხოვთ გაითვალისწინოთ ავეჯის ჩაბარება ხდება უმეტესწილად დაშლილ მდგომარეობაში. იმის დასაზუსტებლად თუ როგორ მდგომარეობაში მიიღებთ თქვენ შერჩეულ თუ შეკვეთილ ავეჯს, დაგვიკავშირდით

N2 ნივთის შეცვლა / დაბრუნების პოლიტიკა

1. ნივთის შეცვლა / დაბრუნების პირობა

ნივთის შეცვლა ან დაბრუნება შესაძლებელია მხოლოდ იმ შემთხვევებში, თუ:

ნივთი დაზიანდა ტრანსპორტირების დროს: თუ ნივთი დაზიანებულია და ეს დაზიანება გამოწვეულია ტრანსპორტირების პროცესში, აღმოაჩნდა ქარხნული წუნი, რომელიც გავლენას ახდენს მის ფუნქციონალობაზე ან შეცდომით იქნა

გაგზავნილი სხვა ნივთი ჩვენი მხრიდან თქვენი სურვილისამებრ შესაძლებელია როგორც ნივთის შეცვლა, ისე თანხის დაბრუნება სრულად.

2. ნივთის შემოწმების პროცესი

რეკომენდაცია მომხმარებლისთვის: ნივთის მიღებისთანავე, შეამოწმოს მისი ვიზუალური მდგომარეობა კურიერის თანდასწრებით. ფიზიკური დაზიანების აღმოჩენის შემთხვევაში, ადგილზევე შედგენილი აქტი ან ფოტო/ვიდეო მტკიცებულება მნიშვნელოვნად დააჩქარებს ნივთის ნაკლიანად ცნობისა და მისი უფასო ჩანაცვლების პროცესს. კურიერის წასვლის შემდეგ აღმოჩენილი ვიზუალური დეფექტების შემთხვევაში, მტკიცების ტვირთი (რომ დაზიანება ტრანსპორტირებისას მოხდა) გადადის მომხმარებელზე.
უკან დასაბრუნებელი ნივთის მდგომარეობა: უკან დასაბრუნებელი ნივთი უნდა იყოს ისეთ მდგომარეობაში, როგორც იქნა მიღებული. ნივთი არ უნდა იქნას გამოყენებული ან რაიმე ფორმით დაზიანებული და მისი ყველა კომპონენტი (მაგალითად, ინსტრუქციები, აქსესუარები, შეფუთვა) უნდა იყოს ადგილზე. მომხმარებელი პასუხისმგებელია შეფუთვის შენარჩუნებაზე იმ დონით, რომ შესაძლებელი იყოს ნივთის უსაფრთხო ტრანსპორტირება უკან საწყობამდე. შეფუთვის არარსებობის ან მისი ისეთი დაზიანების შემთხვევაში, რაც შეუძლებელს ხდის ნივთის პირვანდელი სახით რეალიზაციას, მოხდება ნივთის ღირებულების ხელახალი შეფასება.

3. დაბრუნება და შეცვლა

თუ თქვენ გსურთ ნივთის დაბრუნება ან შეცვლა, გთხოვთ, დაგვიკავშირდეთ შემდეგი მეთოდებით:

ელექტრონული ფოსტა: info.diamondst@gmail.com
ტელეფონი: +995 571 03 75 44

4. თანხის დაბრუნებისა და ნივთის შეცვლა / დაბრუნების პირობები

თუ თქვენ მოითხოვთ თანხის დაბრუნებას ან მიღებული ნივთის შეცვლას, ეს მოხდება შემდეგი წესების დაცვით:

დაბრუნებული ნივთი შემოწმდება ჩვენი კომპანიის წარმომადგენლის მიერ. თუ ნივთი აკმაყოფილებს დაბრუნების კრიტერიუმებს, თქვენი სურვილისამებრ თანხას დაგიბრუნებთ საბანკო გადარიცხვით, ან გამოგიგზავნით სრულიად ახალ, დეტალურად შემოწმებულ უნაკლო ნივთს.

ნივთის დაბრუნება თუ კი იქნა მიტანილი დაზიანებული ან შეცდომით გაგზავნილი, არის კომპანიის პასუხისმგებლობა და ვალდებულება, ხოლო თუ მყიდველი გადაიფიქრებს ნივთის მოხმარებას, მისი მიღებიდან 14 კალენდარული დღის ვადაში შეუძლია დაბრუნება, რაზედაც საკურიერო მომსახურების როგორც განხორციელება, ისე ღირებულების დაფარვა წარმოადგენს მის ვალდებულებას და პასუხისმგებლობას.

შენიშვნა: ჩვენი პარტნიორი საკურიერო კომპანიის სერვისით მომსახურება მომხმარებლისთვის შენაძენის მისამართზე გასაგზავნად განსაზღვრულია სიმბოლური (ადგილობრივი 5 ლარი; რეგიონალური 10 ლარი) საფასურით ნივთის რაოდენობის, მოცულობის, წონის თუ ღირებულების მიუხედავად რაც განსხვავდება საკურიეროს სტანდარტული ტარიფებისაგან. თუ მომხმარებელი გადაიფიქრებს ნივთის მოხმარებას და მიტანისთანავე ან და კანონით განსაზღვრულ ვადაში დააბრუნებს მას, ასეთ შემთხვევაში თანხის დაბრუნების ორი ვარიანტია წარმოდგენილი, რაც გულისხმობს: შენაძენის დაბრუნების ღირებულების ანგარიში მოხდება საკურიერო კომპანიის მხრიდან, ხოლო მომხმარებლისთვის დასაბრუნებელი თანხის ოდენობა განისაზღვრება მის მიერ გადახდილი თანხის ჯამური ოდენობისა და საკურიერო სერვისით სარგებლობის (უკან დაბრუნების) ღირებულების სხვაობის შესაბამისად თუ კი მომხმარებელი თავად არ გაიღებს და უზრუნველჰყოფს ნივთის დაბრუნების ხარჯს, ხოლო დაბრუნების თანხის გაღების შემთხვევაში მას დაუბრუნდება ზუსტად ის თანხა რაც გაიღო ნივთის ან ნივთების შეძენისას ჯამურად, რომელშიც შედის მიწოდების ღირებულებაც. კანონიდან გამომდინარე ნივთის უკან დაბრუნების ხარჯი წარმოადგენს მომხმარებლის ვალდებულებას გარდა რიგი შემთხვევებისა. მომხმარებელს შეუძლია ნივთი დააბრუნოს საკუთარი ძალებით ან სასურველი ალტერნატიული გზებით ან და ისარგებლოს ჩვენი პარტნიორი საკურიერო კომპანიის სერვისით. ამ უკანასკნელით სარგებლობის შემთხვევაში, მომხმარებლის თანხმობით, ტრანსპორტირების საფასური (რომელიც განისაზღვრება საკურიერო კომპანიის ტარიფით) შეიძლება გამოიქვითოს დასაბრუნებელი თანხიდან

თანხის დაბრუნების დრო: თუ ნივთმა დააკმაყოფილა დაბრუნების კრიტერიუმები, შემოწმების დასრულებიდან 5 სამუშაო დღის ვადაში დაგიბრუნდებათ გადახდილი თანხა, გარდა იმ შემთხვევისა თუ მოხდება საბანკო სერვისის ტექნიკური ან სხვა სახის შეფერხება (ასეთის არსებობის შემთხვევაში). მსგავსი შეფერხების შემთხვევაში, თანხის დაბრუნება მოხდება მისი აღმოფხვრისთანავე. ხოლო თუ ნივთი ვერ აკმაყოფილებს დაბრუნების კრიტერიუმებს, მოხდება სიტუაციის კომპლექსური შეფასება, ხოლო შესაბამისი პროცესის წარმართვა განხორციელებულ იქნება კანონმდებლობასთან სრულ თანხვედრაში.

5. იურიდიული მოთხოვნები და მომხმარებლის უფლებები
ჩვენი კომპანიის ყველა დაბრუნების და შეცვლის პოლიტიკა ემორჩილება საქართველოს კანონმდებლობას მომხმარებელთა დაცვის შესახებ. მომხმარებლები სარგებლობენ ყველა უფლებით, რომლებიც განსაზღვრულია მოქმედი კანონმდებლობით.

N3 კონფიდენციალურობის პოლიტიკა

ჩვენ ვიცავთ თქვენ პირად მონაცემებს და კონფიდენციალურობას. კონფიდენციალურობის პოლიტიკა განმარტავს, თუ როგორ ვაგროვებთ და ვიყენებთ თქვენს პირად მონაცემებს.

1. მონაცემების შეგროვება და გამოყენება
ჩვენ შეგვიძლია შევაგროვოთ გარკვეული სახის ინფორმაცია ჩვენი მომხმარებლების შესახებ, რაც უზრუნველვყოფს ჩვენი მომსახურების მაღალი ხარისხი და გამართული ფუნქციონირება.

1.1. პირადი საიდენტიფიკაციო ინფორმაცია

ჩვენ შეგვიძლია შევაგროვოთ თქვენი პირადი საიდენტიფიკაციო ინფორმაცია, რომელიც მოიცავს შემდეგ მონაცემებს:

თქვენი სახელი და გვარი
ტელეფონის ნომერი
საცხოვრებელი მისამართი
ელექტრონული ფოსტის მისამართი
სქესი და დაბადების თარიღი
სოციალური ქსელების პროფილები (თუ თქვენ შედიხართ სოციალური ქსელის გამოყენებით ჩვენს საიტზე)
ეს ინფორმაცია შეიძლება იყოს შენახული, როდესაც დარეგისტრირდებით, განათავსებთ შეკვეთას, შექმნით ანგარიშს ან ისარგებლებთ ჩვენი სერვისებით.

1.2. არაპირადი საიდენტიფიკაციო ინფორმაცია

არაპირადი საიდენტიფიკაციო ინფორმაცია არის მონაცემები, რომლებიც არ ახდენს კონკრეტული მომხმარებლის იდენტიფიკაციას. მაგალითად:

თქვენი ინტერნეტ პროტოკოლის (IP) მისამართი
სანავიგაციო პროგრამის სახეობა და ვერსია
ოპერაციული სისტემა
ვებგვერდის ვიზიტების ისტორია და ქცევის მონაცემები
"Cookies" და სხვა თვალის მიდევნების ტექნოლოგიები
ეს ინფორმაცია შეინახება, როდესაც თქვენ შედიხართ ჩვენს საიტზე რაც გვეხმარება, რომ გავაუმჯობესოთ ჩვენი ვებგვერდის ფუნქციონირება.

2. ინფორმაციის გამოყენების მიზნები

ჩვენ ვაგროვებთ და ვიყენებთ თქვენს ინფორმაციას შემდეგი მიზნებით:
2.1 შეკვეთების დამუშავება და მიწოდება: თქვენი შეკვეთების შესრულების უზრუნველსაყოფად, გვჭირდება თქვენი პერსონალური მონაცემების გამოყენება. ეს მოიცავს მონაცემებს, რომლებიც საჭიროა გადახდის პროცესისთვის, მიწოდებისთვის და შეკვეთასთან დაკავშირებული დამატებითი ინფორმაციის გადაცემისთვის.
2.2 კომუნიკაცია მომხმარებელთან: თქვენი შეკვეთების სტატუსის შესახებ ინფორმაციის გადაცემისთვის ან სხვა საჭირო კომუნიკაციისთვის.
2.3 პერსონალიზაცია და მომსახურების გაუმჯობესება: თქვენი გამოცდილების გაუმჯობესებისთვის ჩვენ შეგვიძლია გამოვიყენოთ არაპირადი საიდენტიფიკაციო ინფორმაცია ვებგვერდის ფუნქციონირების ოპტიმიზაციისთვის.
2.4 მარკეტინგი და აქციები: თქვენთან მარკეტინგული მასალების გაგზავნისთვის, თუ თქვენგან მივიღებთ თანხმობას.
2.5 უსაფრთხოება და მონიტორინგი: თქვენი პირადი საიდენტიფიკაციო ინფორმაციის დაცვის მიზნით ჩვენ ვიყენებთ სხვადასხვა ტექნიკურ და ორგანიზაციულ ზომებს.

3. ინფორმაციის დაცვა

ჩვენ ვიყენებთ შესაბამის ტექნიკურ და ორგანიზაციულ ზომებს თქვენი პირადი მონაცემების დასაცავად, მათ შორის:
დაშიფვრა: ჩვენ ვიყენებთ დაშიფვრის ტექნოლოგიებს თქვენი მონაცემების დაცვისთვის.
მონაცემთა მინიმალიზაცია: ვაგროვებთ მხოლოდ იმ მონაცემებს, რომლებიც საჭიროა თქვენი შეკვეთების დასამუშავებლად და მომსახურების გასაწევად.
რეგულარული მონიტორინგი და უსაფრთხოების აუდიტი: ჩვენი სისტემა რეგულარულად გადის უსაფრთხოების ტესტირებას და აუდიტებს, რათა თავიდან ავიცილოთ უსაფრთხოების საფრთხეები.

4. მონაცემთა გაზიარება მესამე პირებთან
ჩვენ არ გავაზიარებთ თქვენს პირად მონაცემებს მესამე პირებთან, გარდა იმ შემთხვევებისა, როდესაც ეს აუცილებელია შეკვეთების შესასრულებლად (მაგალითად, კურიერული მომსახურების პროვაიდერები) ან თუ ამას მოითხოვს კანონი.

5. მომხმარებლის უფლებები

მონაცემთა წვდომა: თქვენ შეგიძლიათ მოითხოვოთ თქვენი პირადი მონაცემების ასლის მიღება, რომლებიც ჩვენ გვაქვს შენახული.
მონაცემთა შესწორება: თუ თქვენი მონაცემები არასწორია ან არასრულია, შეგიძლიათ მოითხოვოთ მათი შესწორება.
მონაცემთა წაშლა: თქვენ შეგიძლიათ მოითხოვოთ თქვენი პირადი მონაცემების წაშლა, თუ ისინი აღარ არის საჭირო იმ მიზნებისთვის, რომელთა საფუძველზეც შეგროვდა.

6. მომხმარებლის არჩევანი და თანხმობა
თქვენ შეგიძლიათ არ დაუშვათ თქვენი მონაცემების გამოყენება მარკეტინგული მიზნებისთვის. თუ არ გსურთ მიიღოთ მარკეტინგული მასალები ჩვენი კომპანიისგან, გთხოვთ, შეგვატყობინოთ ამის შესახებ.

7. ჩვენი კონფიდენციალურობის პოლიტიკის ცვლილება
ჩვენ შესაძლოა პერიოდულად განვაახლოთ ჩვენი კონფიდენციალურობის პოლიტიკა. ცვლილებების შემთხვევაში, ახალი პოლიტიკა განთავსდება ჩვენს ვებგვერდზე და შესაძლებელი იქნება მისი გადახედვა ნებისმიერ დროს.

დამატებითი ინფორმაცია

1. მომხმარებლის ინფორმირება
ჩვენ შეგვიძლია მოგაწოდოთ ინფორმაცია ჩვენი პოლიტიკის ცვლილებების, ახალ პროდუქტის შეთავაზებების, აქციებისა და სხვა სიახლეების შესახებ ელფოსტით ან SMS-ით თუ კი თქვენ იქნებით თანახმა. თანხმობის შემდგომ თუ გადაიფიქრებთ, რომ არ მიიღოთ ამგვარი შეტყობინებები, გთხოვთ, გამოგვიგზავნოთ შეტყობინება ელფოსტაზე.

2. სამართლებრივი მოთხოვნების შესრულება
ჩვენი ვიცავთ საქართველოს კანონმდებლობის ყველა მოთხოვნას, რაც შეეხება მომხმარებლის უფლებების დაცვას და კონფიდენციალურობის პოლიტიკას.

3. ჩვენი საფირმო მონაცემები: ს/კ 1300105022

პროდუქციის ფოტოების და რეალურობის დამატებითი დეტალები

თანამედროვე ციფრულ სამყაროში პროდუქტის ფოტო წარმოადგენს მთავარ საშუალებას, რაზე დაყრდნობითაც მომხმარებელი ეცნობა ნივთს. ონლაინ მაღაზიები, სოციალური ქსელები და სარეკლამო პლატფორმები ცდილობენ, პროდუქტის ფოტო მაქსიმალურად მკაფიოდ და ხარისხიანად წარუდგინონ მომხმარებელს. სწორედ ამიტომ, ფოტოების დამუშავება, ფერის კორექცია, განათების დაბალანსება, ფონის შეცვლა და სხვა ვიზუალური გაუმჯობესებები დღეს პრაქტიკულად სტანდარტულ პროცესად ითვლება.

ფოტოს დამუშავების მთავარი მიზანი პროდუქტის რეალური ვიზუალის უკეთ წარმოჩენაა და არა მომხმარებლის შეცდომაში შეყვანა, რადგან კამერის განათება, სხვადასხვა მოწყობილობის ფერთა გადმოცემა თუ ფოტოს ტექნიკური ხარისხი ხშირად ვერ ასახავს პროდუქტს ზუსტად ისე, როგორც ის რეალურად გამოიყურება. ამიტომ, გამოსახულებების დამუშავება გამოიყენება იმისათვის, რომ ფოტო იყოს უფრო მკაფიო, ნათელი და მომხმარებლისთვის ადვილად აღქმადი.

ამ პროცესის შედეგად, შესაძლოა, გარკვეული ვიზუალური განსხვავება არსებობდეს საიტზე განთავსებულ ფოტოსა და რეალურ პროდუქტს შორის. მაგალითად, განსხვავება შეიძლება შეეხებოდეს ფერის ტონს, ტექსტურას, განათების ინტენსივობას, ზომის ვიზუალურ აღქმას ან მცირე დეკორატიულ დეტალებს. თუმცა მსგავსი განსხვავებები, უმეტეს შემთხვევაში, არის მინიმალური და გამოწვეულია როგორც ფოტოს დამუშავებით, ასევე სხვადასხვა ეკრანის ტექნიკური თავისებურებებით.

მნიშვნელოვანია აღინიშნოს, რომ ასეთი მცირე განსხვავებები არ მოქმედებს პროდუქტის ძირითად მახასიათებლებზე, ხარისხზე, გამძლეობაზე ან ფუნქციონალობაზე. მომხმარებელი იღებს იმავე ტიპის, მოდელისა და დანიშნულების პროდუქტს, რომელიც აღწერასა და მახასიათებლებშია მითითებული. ფოტოსა და რეალურ ნივთს შორის არსებული მცირედი ვიზუალური სხვაობა წარმოადგენს ბუნებრივ და ფართოდ გავრცელებულ პრაქტიკას ონლაინ ვაჭრობის სფეროში.

გარდა ამისა, პროფესიონალური ფოტოგრაფია ხშირად იყენებს სპეციალურ განათებებს, კამერის ლინზებსა და რედაქტირების მეთოდებს, რომლებიც პროდუქტს უფრო დეტალურად წარმოაჩენს. რეალურ გარემოში განათება შეიძლება განსხვავებული იყოს, რის გამოც პროდუქტის აღქმაც ოდნავ იცვლება. მაგალითად, მუქი ან ღია ტონები სხვადასხვა ეკრანზე სხვადასხვაგვარად ჩანს, ხოლო გლუვი ან მეტალის ზედაპირები სინათლის მიხედვით განსხვავებულ ეფექტს ქმნის.

ონლაინ ვაჭრობისას მიზანია მომხმარებლისთვის ინფორმაციის მაქსიმალურად ზუსტად მიწოდება, თუმცა ტექნიკური და ვიზუალური ფაქტორების გათვალისწინებით, აბსოლუტურად იდენტური ვიზუალური დამთხვევა უმეტესწილად შეუძლებელია. მიუხედავად ამისა, ასეთი განსხვავებები როგორც წესი, იმდენად მცირეა, რომ პროდუქტის გამოყენებასა და მის ფუნქციურ დანიშნულებაზე არანაირ გავლენას არ ახდენს.

სწორედ ამიტომ, ონლაინ პლატფორმებზე განთავსებული ფოტოები განიხილება როგორც პროდუქტის ვიზუალური წარმოდგენა, რომელიც მაქსიმალურად უახლოვდება რეალურ ნივთს, თუმცა შეიძლება შეიცავდეს მცირე განსხვავებებს ფოტოგრაფიული და გრაფიკული დამუშავების თავისებურებების გამო, ამიტომ თუ კი მომხმარებლისთვის ყველა წვრილმანი დეტალიც კი მნიშვნელოვანია, აუცილებელია მოითხოვოს ინდივიდუალურად რეალური ფოტოს გაგზავნა, რაც ჩვენი რეკომენდაციაც არის, რომ თავიდან იქნას აცილებული გაუგებრობა ან და რომელიმე მხარის დაზარალება.

ამ პროცესში განსაკუთრებული მნიშვნელობა ენიჭება მომხმარებლის პასუხისმგებლობასაც. ონლაინ შეძენისას მომხმარებელი ვალდებულია ყურადღებით გაეცნოს პროდუქტის აღწერას, ტექნიკურ მახასიათებლებს, ზომებს, მასალას და სხვა მნიშვნელოვან დეტალებს, რომლებიც ფოტოზე მეტად განსაზღვრავს რეალურ შედეგს. მხოლოდ ვიზუალურ გამოსახულებაზე დაყრდნობა შეიძლება არასაკმარისი იყოს, რადგან ფოტო ყოველთვის წარმოადგენს პროდუქტის ვიზუალურ ინტერპრეტაციას და არა ზუსტ ვიზუალურ ასლს.

გარდა ამისა, მომხმარებელმა უნდა გაითვალისწინოს, რომ სხვადასხვა მოწყობილობაზე (მობილური, კომპიუტერი და ა.შ.) ფერები და კონტრასტი შეიძლება განსხვავებულად გამოჩნდეს, რაც თავისთავად გავლენას ახდენს აღქმაზე. შესაბამისად, გადაწყვეტილების მიღებისას რეკომენდებულია როგორც ფოტოების, ისე აღწერის კომპლექსურად განხილვა.

ონლაინ ვაჭრობა არის ორმხრივი პროცესი, სადაც ჩვენ უზრუნველვყოფთ პროდუქტის მაქსიმალურად ზუსტ და ხარისხიან წარმოდგენას, ხოლო მომხმარებელი პასუხისმგებელია ინფორმაციას სრულად გაეცნოს. სწორედ ამ ბალანსის შედეგად ხდება უფრო გამჭვირვალე, სამართლიანი და ეფექტური სავაჭრო ურთიერთობა, სადაც მცირე ვიზუალური განსხვავებები ბუნებრივ და მიღებულ პრაქტიკად ითვლება და არ ცვლის პროდუქტის რეალურ ღირებულებას ან ფუნქციურობას.